Innozenz I.

Innozenz I. (Fantasydarstellig in dr Basilika St. Paul vor dr Muure)

Dr Innozenz I. (* vor 401; † 12.Merz 417) isch Papscht vum 21. Dezämber 401 bis zue sym Dod am 12. Merz 417 gsii.

Lääbe un Verehrig

Är isch vermuetli dr Suhn vun eme Innozenz vu Albano gsii (no sym Biograf im Liber Pontificalis) oder dr Suhn vu sym Vorgänger Anastasius I. (noch eme Zytgnoss vum Hieronymus). Sy Pontifikat isch iberschattet gsii vum Nidergang vum Weschtremische Rych un vu dr Belagerig un Blinderig vu Rom dur d Weschtgote unter em Alarich I. anne 410.

In syne Brief an d Bischef Victricius vu Rouen, Exuperius vu Toulouse, Decentius vu Gubbio un anderi wird dytli, ass er d Vormachtstellig vu Rom in dr Gsamtchilche het welle uusböue. Är het gforderet, ass di oobeländisch Chilchedisziplin noch em remische Vorbild uusgrichtet wird, un het fir den apostolisch Stuel Aasprich gstellt uf di eberscht Lehrentschaidig fir alli wichtige Froge, dr causa maiores. Weniger Erfolg het er im Oschte ghaa (Yygryfe fir dr Johannes Chrysostomos, *344/345, † 407), drotz ass er mit em päpschtlige Vikariat vu Thessalonike em Yyfluss vu Konstantinopel het welle entgege drätte. Sy Name bedytet „dr Uuschuldig (lat..).

D Reliquie vum hl. Innozenz sin noch dr Bewilligung dur dr Papst Sergius II^[1] 846 zäme mit däne vu sym Vorgänger Anastasius dur dr Sachseherzog Liudolf uf Gandersheim brocht wore, wu si bis hite in dr Krypta vu dr ehmolige Stiftschilche rueje. Sy Mahndag isch dr 28. Juli.^[2]

Literatur

• Cornelia Hoß: Innozenz I. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 1280.

Weblink

 Commons: Innozenz I. – Sammlig vo Multimediadateie

• Ökumenisches Heiligenlexikon
• Ytrag in d Catholic Encyclopedia, Robert Appleton Company, New York 1913 (änglisch)
• Gsamtwärch vu Migne Patrologia Latina mit Inhaltsverzaichnis

Fueßnote

1. http://www.kath.de/kurs/vatikan/deutsche_paepste.php
2. Namesdag hailige Innozenz I. uf heilige.de

Vorgänger Anastasius I.

Papscht 401–417

Nochfolger Zosimus

Normdate: GND: 118775545 | LCCN: nr97022192 | SUDOC/IdRef: 026659484 | VIAF: 222301390

Dä Artikel basiert uff ere fräie Übersetzig vu dere Version vum Artikel „Innozenz_I.“ vu de dütsche Wikipedia. E Liste vu de Autore un Versione isch do z finde.