Dr Hans Konrad Mosis (* 11. Dezämber 1645 z Baasel, † 28. Novämber 1691 z Baasel) isch e Baasler Revoluzzer gsi.
Dr Hans Konrad Mosis isch as Soon vom Scherer Jakob Mosis und dr Barbara Hoffmann 1645 z Baasel uf d Wält choo. Er isch wie si Vater Scherer und Chirurg worde. 1671 het er d Elisabeth Fatio, d Dochder vom Kaufmaa Johann Anton Fatio, ghürootet. In dr politische Krise vo 1691, em sogenannte 1691er-Wääse, isch er äine vo de Aafüerer vo dr Usschussbeweegig vo de Zümft gsi, wo s oligarchische Reschiim het welle demokratisiere und e Verfassigsrewision het welle duuresetze. Dr Grooss Root het d Revolte chönne zämmeschloo, und dr Mosis isch druf zämme mit sim Schwooger Johannes Fatio und em Johannes Müller zum Dood verurdäilt und uf em Määrtblatz köpft worde.
Kwelle
