|
|
| du – die Unabhängigen
|
|
|
![]()
|
|
|
| Parteivorsitzr
|
Harry Quaderer
|
| Gründig
|
2013
|
| Hauptsitz
|
Schaa
|
|
|
| Ziitig
|
«hoi du»
|
| Uusrichtig
|
Räächtspopulismus
Nazionsaalkonservatismus
EU-Skepsis
|
| Farb(e)
|
Gelb
|
| Parlamentssitz
|
Landdaag (2017)
|
|
|
| Websiite
|
www.du4.li
|
|
|
Die Unabhängigen (du) sin e bolitischi Bartei im Fiirschteduum Liachtaschtaa. Si sin im Februar 2013 grindet woore.
Gschiicht
Di Unabhängige sin zum eerschte Mool zue dr Landdaagswaal 2013 aadrätte, wu si mit eme Ergeebnis vu 15,3 Brozänt zur drittsteerkschte Bartei woore sin, hinter FBP un VU, aber no voor dr Freie Lischt. Dooderdur hän vier Kandidaate dr Gump in Liachtaschtaanische Landdaag gschafft, wu insgsamt 25 Abgoordneti aagheere.
Bi dr Landdaagswaal 2017 hän di Unabhängige iren Aadail an Weelerstimmen um 3,1 Brozäntpinkt uf 18,4 Brozänt chenne uusböue un ai Mandaat derzuegwinne.[1]
Im Augschte 2018 isch dr Erich Hasler no Mainigsverschiidehaite us dr Bartei un us dr Landdaagsfrakzioon uusgschlosse woore. Doodruf sin dr Herbert Elkuch un dr Thomas Rehak au us dr Bartei uusdrätte. Di Unabhängige sin dodermit uf zwai Mandaat im Landaag yydiiglet un hä ire Frakzioonsstatus verloore.[2] Di drei uusdrättene Abgoordnete bilde di «Neue Fraktion» (NF) un hän d Bartei «Demokraten Pro Liechtenstein» (DPL) grindet.
Vu 2015 bis 2019 sin di Unabhängige mit je aim Abgoordnete in dr Gmaireet vu drei Liachtaschtaaner Gmaine verdrätte gsii. Syter anne 2019 isch d Bartei nume no om Gmairoot vu Schaa verdrätte.
Syter 2013 bringe Di Unabhängige ne Barteizytig mit em Titel «hoi du» uuse, wu uureegelmääßig erschyynt,
Posizioone
Di Unabhängigen sään si nit as klassischi Bartei, wu dr Vorgaabe vun ere Barteifierig oder ere Ideology folgt. Si fiele si no aigener Daarstellig in ire bolitische Aarbet in eerschter Linie Art. 57 vu dr Verfassig vujm Fiirschteduum Liachtaschtaa verpfliichtet. Deert haißt s: «Die Mitglieder des Landtages stimmen einzig nach ihrem Eid und ihrer Überzeugung» un gloobe «das Wohl des Vaterlandes ohne Nebenrücksichten nach bestem Wissen und Gewissen zu fördern».[3]
Di Unabhängige verdrätte in dr Wiirtschaftsbolitik liberaali Posizioone, drätte geg di all greeßer Regulierig yy un spräche si fir schlankeri staatligi Struktuuren aus. Si sin fir e Steerkig vu dr diräkte Demokraty un d Diräktwaal vu dr Regierig uus. Di letschter wird bishär dur dr Landdaag gweelt un vum Staatsoberhaupt, em Fiirscht, ernännt.
Di Unabhängige steen dr EU-Flichtlingsbolitik kritisch vis-à-vis.[4] Dr Landdaagsabgoordnet Harry Quaderer het in eme Byydraag gmaint: «Die EU, angeführt von Merkel-Deutschland, scheint unfähig, ihren Einfluss im Nahen Osten geltend zu machen und auf einen Frieden hinzuwirken. Und was macht sie stattdessen, die EU-Bürokratie: Sie erarbeitet einen Flüchtlings-Quoten-Mechanismus.»
Di Unabhängige setze si fir e Sänkig vu dr Stroombryys vu dr Liachtaschtaanische Chraftwäärch yy.
Si kritisiere d Uusgaabe vu all Joor 15 Mio. Franke fir d Universiteet Liachtaschtaa, wel 90 % vu dr Studänt*ine un 90 % vu dr Mitarbaiter*ne kai Liachtaschtaaner*ne seie.
Weblink
Fueßnote
- ↑ Information und Kommunikation der Regierung: Landtagswahlen Liechtenstein. Archiviert vom Original am 6. Februar 2017; abgruefen am 19. Juni 2017.
- ↑ Rehak und Elkuch kehren DU den Rücken, 17. Augschte 2018, Liechtensteiner Vaterland
- ↑ Positionen | du – die Unabhängigen für Liechtenstein. Abgruefen am 19. Juni 2017.
- ↑ Landtag befasst sich mit Flüchtlingspolitik | du – die Unabhängigen für Liechtenstein. In: www.du4.li. Archiviert vom Original am 18. April 2016; abgruefen am 18. April 2016.
.svg)
