| Seriedate
|
| Dütsche Titel:
|
Die Retter-Ritter
|
| Originaltitel:
|
The Big Knights
|
| Produktionsland:
|
Grossbritannie
|
| Produktionsjohr:
|
1999
|
| Produzänt:
|
Claire Jennings
|
| Längi von erä Folg:
|
öbbe 10 min Minute
|
| Zahl vo de Folge:
|
13 in 1 Staffle
|
| Originalsproch:
|
Änglisch
|
| Musik:
|
Pete Baikie,
Rostov Balalaika Orchestra
|
| Idee:
|
Neville Astley, Mark Baker
|
| Genre:
|
Zeichnete Trickfilm
|
| Erstusstrahlig:
|
19. Dezember 1999
auf BBC1
|
| Erstusstrahlig (de):
|
16. Oktober 2000
auf KiKa
|
D Rettar-Ritter isch a englische Zeichetrickserie, wo 1999 fir s englische Fernsehe gmacht wore isch. Si isch abr au scho in Deitschland im Fernsehe kumme, und zwar zletscht vo Januar bis Mehrz 2004 im Kinderkanal. Dia Serie isch bsonders schee gmacht und saumäßig komisch. Si bestoht aus dreizeh Folga, wo a jede uugfähr zehe Minuta dauret. Trotzdeam dass si so kurz sind, wird abr allat a ganze Gschicht verzehlt, wo ma jedsmohl viel zum lache hot.
Handlung
Dia Gschichta handlet vo deana zwei Rittar, wo Sir Boris und Sir Morris heißet. Dia sind zwar uuglaublich guat beinand, aufrichtig und muatig, abr au zimlich guatmiatig und a bizzle dappig. Sia händ zwar de beschte Wille, um dia Läscht, wo si demit zum due händ, zum bekämpfe, abr oft glingts it so, und hindaher standet it bloß sii noo bleeder do.
Dehuim sind dia Rettar-Ritter am Schloß im Land Borovia, zämed mit ihre Viicher, wo au a Rüschtung aahend, und dr Haushälterin. Des Land wird vom Keenig Otto regiert. Dea hot zwei scheene Feehla, Prinzessin Lucy und Prinzessin Loretta, und deana gfallet dia Rettar-Ritter ziimlich guat.
In deam Land gibts au Drache, Hexa und Troll. D Hauptstadt isch a ziimlichs Provinznescht, wo Borodzo heißt. Dett stoht a moads goldene Uur, fiar dia dea Drimslar vo Keenig s ganze Schteuergeald ausgeabe hot. D Leit in deam Land sind it so groß, s gibt iiberhaupts wänig Leit dett. Dr Wirtschaft gohts schleacht und s Fernsehe isch no schwaaz-weiß. S gibt also gnua zum dua fir zwei solchene wia dia Rettar-Ritter.
Figuura
- Sir Boris – de greescht Schwertfechtar vo dr Wealt, it grad a Krischpele, schneidig, aufrichtig und it ganz so bleed wia sei Bruadr.
- Sir Morris – isch it de greescht Schwertfechtar vo dr Wealt, aber de Begeischtertschte.
- Sir Horace, de Hund – des Vieh vom Sir Boris, hot an guate Schpiersinn.
- Sir Doris, de Hamstr – g'heart'm Sir Morris und isch bissig und ziemlich verfreasse.
- Keenig Otto – isch de Keenig vo deam Land, hot kui Mensch mea, aber zwei Feehla.
- Prinzessinna Lucy und Loretta – sind leicht zum begeischtre und ziemliche Riebele.
- Zaubrar Zappendust – isch scho tausende vo Johr alt, huudlet a bizzle bei seim Handwerk und saichelet a bizzle.
- Professor von Proton – isch uisdeils a geniala Wissenschaftla, aber au a zimlicha Leffas; bei seine Erfindunga ka's ganz schee gfährlich wäre.
- Keenigin Melissa – isch dia Keenigin vo deam Nachbarland und uuglaublich reich; s'heißt, dass sie friër mit'm Keenig Otto vrheiret gwea sei soll.
- Zaubrerin Schimmelfee – isch dia Zaubrerin vo de Keenigin Melissa.
- Des Leibweib – isch d'Haushälterin vo de Rettar-Ritter, ohne dia si ganz schee bleed aus de Wäsch luege dädet.
- Dia drei Schweschtra – sollet auf'd Prinzesinna aufpasse. Si sind allat a bizzle aufgregt, wenn dia Rettar-Ritter im Gai sind.
Ekschterne Syte
![]()
|
Dä Artikel basiert uff ere fräie Übersetzig vum Artikel „Die_Retter-Ritter“ vu de dütsche Wikipedia. E Liste vu de Autore un Versione isch do z finde.
|
