Der Chœur des Armaillis de la Gruyère isch e Singgruppe vom Bezirk Greyerz im Kanton Fryburg.
Der Chor isch anne 1955 dank em Musiker André Corboz und em Henri Gremaud, wo s Greyerzer Museum z Bulle gleitet het, entstande. Is Düütschen übertreit heisst der Vereinsname «Chor vo de Greyerzer Senne». Drum isch s Goschtüüm vo de Sänger au em alte Chleid vo de Hirten i der Regioon nochenempfunde.
Der Chor singt meischtens tradizionelli Volchslieder, grad au s bekantischti Fryburger Bärglied, dr Ranz des vaches, und Wäärch vom Joseph Bovet, öppe s Lied Le vieux Chalet, wo men au i dr Düütschschwiiz könnt. Vil vo de Lieder im Repertoire sind im Patois, der alte Fryburger Mundart gschribe, wo zum Frankoprovänzalische ghöört. Me bringt i de Konzärt aber au öppe Stuck vom Gregorianische Choral und suscht vo der tradizionelle Chilemusig, und mängisch au Sache us der nöiere Chorliteratur. Der Greyerzer Chor chunt regelmässig im Wälschschwiizer Radio.
Toonufnahme
- Lieder vom Joseph Bovet
- Pacem in terris, 1993
- Contrastes, 1996
- L'Âme du vin, 2002
- Écoute Gruyère, 2006
- Liauba, 2016
Weblink
