PROFILBARU.COM

Stadt Brüssel
Stadt Brüssel (Belgien) Stadt Brüssel	Stadt Brüssel
	Stadt Brüssel
Staat	Belgie
Region	Brüssel-Hauptstadt
Bezirk	Brüssel-Hauptstadt
Koordinate	50° 51′ N, 4° 21′ OKoordinate: 50° 51′ N, 4° 21′ O
Flechi	32,61 km²
Iiwooner (Stand)	168.979 Iiwooner (1. Novämber 2012)
Bevölkerigsdichdi	5.182 Iiw./km²
Hööchi	70 m
Bostläitzaal	1000 (Brüssel); 1020 (Laken); 1120 (Neder-Over-Heembeek); 1130 (Haren)
Vorwaal	02
Bürgermäister	Freddy Thielemans (PS)
Adrässe vo dr; Kommunalverwaltig	Centre Administratif; Boulevard Anspach 6; 1000 Bruxelles; ; Administratief Centrum; Anspachlaan 6; 1000 Brussel
Website	www.bruxelles.be

lp lb

Mit Brüssel (franzöösisch Bruxelles [bʀyˈsɛl] oder [bʀyˈksɛl], niiderländisch Brussel [ˈbrʏsəl]) cha äntwääder e Stadt oder e Region in Belgie gmäint si:

D Stadt Brüssel het öbbe 170'000 Iiwooner und isch äini vo 19 Gmäinde in dr Region Brüssel-Hauptstadt.
D Region Brüssel-Hauptstadt (franzöösisch Région de Bruxelles-Capitale, niiderländisch Brussels Hoofdstedelijk Gewest) isch äini vo de drei Regione im belgische Staatsufbau (die andere bäide si Flandere und die Wallonischi Region). D Region Brüssel het öbbe äi Million Iiwooner.

D Stadt Brüssel isch d Haupt- und Residänzstadt vom Köönigriich Belgie, und meereri territoriali bzw. gmäinschaftligi Instituzione häi dört iire Sitz:

Si isch dr Hauptort vo dr Region Brüssel-Hauptstadt sälber.
Si isch dr Sitz vo dr Französische Gmäinschaft vo Belgie, wääred d Region Wallonie iire Sitz z Namur het.
D Organ vo dr Region Flandere und vo de Flämische Gmäinschaft, wo niiderländisch schwätzt, si fusioniert und häi iire Sitz ebefalls in dr Stadt Brüssel.

Brüssel isch dr Hauptsitz vo dr Öiropäische Union und dr Sitz vo dr NATO, vom ständige Sekretariat vo de Benelux-Länder und vo dr EUROCONTROL.

Brüssel wird 996 zum erste Mol in ere Urkunde erwäänt und im Middelalter stigt d Stadt zur Hauptstadt vom Herzogdum Brabant uf. Wo Belgie 1830 unabhängig worde isch, isch Brüssel si Hauptstadt worde. Zämme mit de Gmäinde um sä ume isch Brüssel hüte en Industrii- und Handelsstadt, e bedütends Wirtschafts-, Wüsseschafts- und Kulturzentrum mit zwäi Uniwersidääte, meerere Hochschuele, Akademie, Bibliotheke, Museä und Büüne und e wichdige Vercheerschnotepunkt im Zentrum vom Land.

Weblingg

Commons: Brüssel – Sammlig vo Multimediadateie