D'Atlantica SuperSplash isch e Wasserachterbahn im Europa-Park z Ruescht. Mit 30 Meter Höchi, isch si die vierthöchschti Achterbahn im Park.
D'Station vo dr Bahn
Technischi Date
D'Bahn het sechs Wäge. Jede Wage het vier Reihe und in jedere Reihe, hän vier Persone Platz. Das sin pro Boot 16 Persone.
D'Atlantica SuperSplash isch mit 30 Meter Höchi, die dritthöchschti Achterbahn im Europa-Park. Si bsitzt 2 Hügel (Drops) und cha e Gschwindigkeit vo 80 km/h erreiche. D'Schiine sin insgesamt 390 Meter lang und 4 Meter breit. Pro Stund bsueche ca. 1'400 Persone d Attraktion.
Gschicht
D'Atlantica SuperSplash isch am 19. März 2005 zum 30. Jubiläum vom Europa-Park eröffnet worde und mit ire dr neui Themeberych Portugal.
Fahrt
Als erschtes zieht dr Kettelift s Boot noch ufe. Denn fahrt das uf e Drehschybe, wo s Boot um 90 Grad dreht. Noch däm Vorgang, fahrt dr Wage hinderschi 10 Meter derab und wider duruf. Denn fahrt dr Wage nomol in e Drehschybe, vo sich s Boot wider um die eigeni Achse dreht. Denn stürtzt dr Wage 30 Meter abe und wird vom Wasser vom künstliche See, wo sich unde befindet, abbrämst. Nochhär fahrt's denn wider in d'Station.
