PROFILBARU.COM

Dr 15. Mai isch dr 135. Dag vum Gregorianische Kalender (dr 136. in Schaltjohr), dodermit blybe no 230 Däg bis zum Änd vum Johr.

Was isch bassiert?

0719: Dr angelsächsisch Mench Bonifatius chunnt vum Papscht Gregor II. dr Ufdrag iber, di haidnische Germane z missioniere.
1252: Dr Papscht Innozenz IV. erlosst d Bulle Ad Extirpanda, wu bal di allgmain anerkännt Norm fir s Inquisitionsverfahre woren isch.
1403: In dr erschte Schlacht vu dr Appezällerchrieg, dr Schlacht bi Vögelinsegg, bsige d Appezäller d Druppe vu dr Firschtabtei St. Galle.
1423: Noch ere fascht aijehrige Belagerig wird d Burg Hauezollre dur dr Bund vu dr schwebische Rychsstedt gschlisse.
1525: Dr Thomas Müntzer, e evangelische Theolog un aini vu dr Laitfigure im Dytsche Buurechrieg, wird no dr Schlacht bi Frankenhausen gfangegnuu um am 27. Mai z Mühlhausen enthauptet.
1648: Z Münster wird dr Weschtfälisch Fride verchindet, dodermit chunnt dr Dryssgjehrige Chrieg zum Änd.
1938: Grindig vum Bund Schwyzertütsch
2012: Dr François Hollande dritt sy Amt as Bresidänt vu Frankrych aa.

Commons: 15. Mai – Sammlig vo Multimediadateie