Vlag van Suid-Georgië en die Suidelike Sandwicheilande

Vlag van Suid-Georgië en die Suidelike Sandwicheilande

Vlag van Suid-Georgië en die Suidelike Sandwicheilande
Gebruik	Burgerlike- en Staatsvlag en Burgerlike vaandel
Verhouding	1:2
Goedgekeur	Tussen 1999 en 2002[1]
Ontwerp	'n Blou Britse vaandel met die eiland se wapenskild op die wapperkant.

Die vlag van Suid-Georgië en die Suidelike Sandwicheilande, ’n Britse oorsese gebied is iewers tussen 1999 en 2002 in gebruik geneem. Die vlag vertoon ’n blou Britse vaandel met die wapen van die eiland op die wapperkant.

Die vlag word vertoon oor die regeringsnedersettings op Suid-Georgië-eiland en die wetenskapstasies van die Britse Antarktiese Opname. Die oorspronklike vlag het ’n kleiner weergawe van die wapenskild in ’n wit skyf vertoon maar is tussen 1999 en 2002 verander na die huidige ontwerp.

Daar is ook ’n vlag wat die Burgerlike Kommissaris van die Gebied verteenwoordig. Dit is ’n Union Jack met die wapenskild in die middel. Aangesien die Burgerlike Kommissaris ook die Goewerneur van die Falklandeilande is, word die vlag slegs gebruik wanneer die Kommissaris die gebied besoek. Die oorspronklike weergawe van die kommissaris se vlag het slegs wapenskild bevat maar is in 1999 verander.

Ander vlae

• 
  Vlag van Suid-Georgië en die Suidelike Sandwicheilande (1992-1999)
• 
  Vlag van die Kommissaris van Suid-Georgië en die Suidelike Sandwisheilande (1992-1999)
• 
  Vlag van die Kommissaris van Suid-Georgië en die Suidelike Sandwicheilande

Verwysings

1. (en) "Suid-Georgië en die Suidelike Sandwicheilande". Flags of the World. Besoek op 8 Februarie 2010.

Eksterne skakels

Wikimedia Commons bevat media in verband met Vlae van Suid-Georgië en die Suidelike Sandwicheilande.

• (en) Suid-Georgië en die Suidelike Sandwicheilande by Flags of the World.

Hierdie artikel is in sy geheel of gedeeltelik vanuit die Engelse Wikipedia vertaal.