Toloei Khan (Mongools: Толуй хаан; 1192–1232) was die vierde seun van Djengis Khan by sy hoofvrou, Börte. Sy oeloes, of erfenisgebied, met sy pa se dood in 1227 was die hoofgebied van Mongolië, en hy was met die verkiesing van Djengis se opvolger die administrateur wat Ögedei as tweede Groot Khan bekragtig het.
Hoewel Toloei nooit amptelik Groot Khan was nie, het sy seun Möngke hom die titel ná sy dood gegee, en sy ander seun Koeblai het hom nadoods die Chinese tempelnaam Yuán Ruìzōng gegee toe hy die Yuan-dinastie ’n paar dekades later gestig het.
Eksterne skakels
