Theophrastos

Standbeeld van Theophrastos in die Orto botanico di Palermo

Historia plantarum, 1549

Theophrastos (Grieks: Θεόφραστος; c. 371 – c. 287 v.C.^[1]), ‘n Griekse boorling van Eresos in Lesbos, was die opvolger van Aristoteles in die Peripatetiese skool. As jeugdige het hy reeds na Athene gekom, waar hy aanvanklik in Plato se skool studeer het. Na die dood van Plato het hy hom by Aristoteles geskaar. Aristoteles het sy geskrifte aan Theophrastos nagelaat, en hom aangewys as sy opvolger by die Lykeion. Theophrastos het oor die Peripatetiese skool gepresideer vir ses en dertig jaar, waartydens die skool besondere opbloei getoon het. Na sy dood, het die Atheners hom vereer met ‘n publieke begrafnis. Sy opvolger as hoof van die skool was Strato van Lampsakos.

Theophrastos se belangstellings was uiteenlopend, en het gestrek van biologie en fisika tot etiek en metafisika. Sy twee behoue botaniese werke, Ondersoek na Plante^[2] en Omtrent die Oorsake van Plante, het ‘n belangrike invloed op middeleeuse wetenskap gehad. Sy verdere ekstante werke is Omtrent Morele Karakters, Omtrent Sensasie, Omtrent Stene en die fragmente van sy Fisika en Metafisika, almal in Grieks. In filosofie, het hy grammatika en taal bestudeer, en Aristoteles se werk in logika voortgesit. Hy het ook ruimte beskou as ‘n blote rangskikking en plasing van liggame, tyd as ‘n toevalligheid van beweging, en beweging as ‘n noodsaaklike gevolg van alle aktiwiteit. In etiek, het hy geluk beskou as die meegevolg van eksterne invloede néwens deugsaamheid, en is beroemd vir sy stelling dat die "lewe deur welstand regeer word, nie wysheid nie."

Verwysings

1. Tiziano Dorandi, Hoofstuk 2: Chronology, in Algra et al. (1999) The Cambridge History of Hellenistic Philosophy, bladsye 52-3. Cambridge.
2. Theophrastus (1916). Hort AF (vertaler) (red.). Theophrastus: Enquiry into Plants. Vol. 1, Boeke I-V. New York: Loeb Classical Library/G.P. Putnam's Sons. {{cite book}}: Onbekende parameter |titlelink= geïgnoreer (hulp)