The Radio Dept.

The Radio Dept.
The Radio Dept. in optrede in Lima, Peru (Oktober 2006)
Agtergrondinligting
OorsprongLund, Skåne (Swede)
GenresIndiepop, droompop
Jare aktief1995 – hede
EtiketteLabrador, Shelflife
Webwerfwww.labrador.se
LedeJohan Duncanson
Martin Larsson
Daniel Tjader
Gewese ledeElin Almered (1995–????)
Lisa Carlberg (2001–2005)
Per Blomgren (2001–2003)
Kim Sjölander
Max Weiland
Le Bombe
Rugar

The Radio Dept. is 'n musiekgroep vanuit Lund, Skåne (Swede). Hul klank hou verband met genres soos droompop, indiepop, shoegaze, en tweepop. Resensente vergelyk The Radio Dept. met Pet Shop Boys, My Bloody Valentine en Cocteau Twins.[1] The Radio Dept. skryf op hul webwerf dat hulle beïnvloed word deur onder meer Charles Aznavour, Saint Etienne, Broadcast, Frank Sinatra, Joy Division, Pet Shop Boys, Chet Baker, Fennesz, Nick Drake, Kevin Rowland, Prefab Sprout, Paddy McAloon, Junior Boys, Orange Juice, Kraftwerk, Neu!, Jonathan Richman, The Avalanches, en The Pale Fountains.

Geskiedenis

The Radio Dept. is in 1995 deur skoolmaats Elin Almered en Johan Duncanson begin. Hulle het die groep vernoem na 'n vulstasie wat in 'n radiohersteldienswinkel omskep is en wat "Radioavdelningen" ("Die Radioafdeling") geheet het. Almered en Duncanson het egter spoedig die musiekgroepidee opsy gesit. Drie jaar later, in 1998, is die groep weer in die lewe geroep toe Duncanson met Martin Larsson begin saamwerk het. In 2001 het Larsson se nooi, Lisa Carlberg, die groep bygetree en die baskitaarposisie ingeneem. Sy is deur Per Blomgren gevolg, wat die tromme behartig het, en later ook deur Daniel Tjader op sintetiese klavier.[2][3]

Later in 2001 het die groep opnames aan die musiektydskrif Sonic gestuur. Hulle het goeie resensies ontvang en is op die gratis CD-monster wat saam met die uitskrif uitgegee word, ingesluit. Labrador Records het die groep op daardie skyf gehoor en gevolglik 'n platekontrak met hulle onderteken. Per Blomgren het die groep voor die vrystelling van die album Lesser Matters verlaat, en Lisa Carlberg het ná die vrystelling van This Past Week EP in 'n ander rigting gewyk. Volgens die groep se webwerf het hulle besluit om digitale trombane te gebruik en het hulle aangedui dat hulle vir hul tweede album "'n nuwe rigting inslaan... wat nie 'n lid benodig om die baskitaar te speel nie."[4]

Drie van The Radio Dept. se snitte is op Sofia Coppola se rolprent Marie Antoinette se klankbaan ingesluit. Hierdie snitte was "Pulling Our Weight" van die Pulling Our Weight EP, "I Don't Like It Like This" van die This Past Week EP, en "Keen on Boys" van Lesser Matters en het aan die groep wyer erkenning besorg.

Vroeg in 2006 is die groep se tweede album, Pet Grief, vrygestel. Die verwronge (distored) klank wat kenmerkend van die debuut was, is in hierdie album deur sintetiseerder vervang. Die album is in die res van Europa, insluitende die VK, eers laat in 2006 uitgereik. Weinig musiektoere ter ondersteuning van die album het nie veel aandag aan Pet Grief in musiekkringe besorg nie. Resensies was gemeng: NME het die album 7 uit 10 gegradeer, maar ander tydskrifte was nie so positief oor die plaat nie. Pet Grief het egter gewild onder 'n groeiende aanhangerbasis, wat regoor die wêreld strek, geraak, danksy die internet. Die album is in die VSA deur Darla en hul VSA-verspreidingsooreenkoms met Labrador beskikbaar.

Die groep het in Mei 2008 'n EP getiteld Freddie And The Trojan Horse vrygestel. Dit is deur Matador Records uitgereik en het onder andere die snitte "Freddie And The Trojan Horse", "Closing Scene" en "The Room, Tarzana" bevat. 'n Nuwe LP, Clinging to a Scheme, sou op 10 September 2008 vrygestel gewees het, maar die plaat het nooit die lig gesien nie.

'n CD-enkelspeler, David, is op 24 Junie 2009 vrygestel. Dit het vier snitte bevat: "David", "Messy Enough", "David (Rice Twins Remix)" en "The Idle Urban Contemporaries". Die snit "David" is deur Labrador Records vir gratis aflaai beskikbaar gestel.

Diskografie

Albums

  • Lesser Matters (2003, Labrador)
  • Pet Grief (2006, Labrador)
  • Clinging to a scheme (2010)

EP's

  • Where Damage Isn't Already Done (2002, Labrador)
  • Pulling Our Weight (2003, Labrador)
  • This Past Week (2005, Labrador)

CD-enkelspelers

  • Against the Tide (2002, Slottet)
  • Annie Laurie (2002, Slottet)
  • The Worst Taste in Music (2006, Labrador)
  • We Made the Team (2006, Labrador)
  • Freddie and the Trojan Horse (2008, Labrador)
  • David (2009, Labrador)

Verwysings

  1. ↑ "The Black and White". Geargiveer vanaf die oorspronklike op 19 November 2006. Besoek op 16 Augustus 2006.
  2. ↑ "XL: The Radio Dept". Geargiveer vanaf die oorspronklike op 2 Julie 2013. Besoek op 16 Augustus 2006.
  3. ↑ "Labrador: The Radio Dept" (in Engels). Geargiveer vanaf die oorspronklike op 28 Januarie 2013. Besoek op 16 Augustus 2006.
  4. ↑ "The Radio Dept. Biography". http://www.theradiodept.frih.net/Band.htm. Besoek op 2007-02-09. 

Eksterne skakels

Strategi Solo vs Squad di Free Fire: Cara Menang Mudah!