Die rolprent vertel die verhaal van Paulus van Tarsus, wat bekend was as 'n ongenaakbare vervolger van Christene, voordat hy hom tot die Christendom bekeer het. Die verhaal fokus op sy vormingsdae as 'n belangrike figuur in die formasie van die vroeë Kerk voordat hy deur Nero in Rome tereggestel is.
Die prinsipiële verfilming het in September 2017 in Malta begin. Die rolprent was op 23 Maart 2018 deur Sony Pictures vrygestel.[6]
Tydens 'n onderhoud met Variety, het Berden gesê dat een van die hooftemas van die rolprent vergifnis is: "Paulus het verander van 'n persoon wat Christene vermoor het tot iemand wat een van hulle mees invloedryke leiers sou word. Sy lewe versinnebeeld 'vergifnis,' 'n begrip wat amper onmoontlik lyk vandag — maar baie benodig word."[7]
Vrystelling
Paul, Apostle of Christ was oorspronklik geskeduleer om op die Woensdag (28 Maart 2018) voor Paasnaweek deur Affirm Films vrygestel te word.[10] Die rolprent se datum van vrystelling was egter in Februarie 2018 opgeskuif tot 23 Maart 2018.[11] Die rolprent was op 12 Junie 2018 op DVD, Blu-ray en digitale platvorms vrygestel.
