Monkey Bay

Monkey Bay Lusumbwe
Dorp
Die strand by Cape Maclear naby Monkey Bay.
Monkey Bay Monkey Bay se posisie in Malawi.
Koördinate: 14°5′S 34°55′O
Streek	Suidelike Streek,  Malawi
Distrik	Mangochi
Hoogte	500 m (1 600 ft)
Bevolking
• Totaal	14 591
Tydsone	UTC+2 (Sentraal-Afrikaanse tyd)
• Somertyd	UTC+2
Klimaat	Tropiese savanne

Monkey Bay, of Lusumbwe, is ’n dorp in die Mangochi-distrik in die Suidelike Streek van Malawi. Dit is op die oewer van die Malawimeer geleë en het een van die land se belangrikste hawens.^[1] Die bevolking is sowat 14 591 (in 2008).^[2]

Ligging

Die hoofstraat van Monkey Bay.

Monkey Bay is 206 km van die hoofstad, Lilongwe, en 253 km van die ekonomiese middelpunt, Blantyre. Die dorp is ’n toeristebestemming en baie mense doen daar aan op pad na Cape Maclear.^[3]

Die huise op die dorp is eenvoudig en van klei, en min huishoudings kan elektrisiteit bekostig, aangesien net die aansluitingskoste drie keer soveel as die gemiddelde maandelikse loon is.^[4]

Demografie

Jaar	Inwoners[2]
1987	5 649
1998	8 793
2008 (raming)	14 591

Fasiliteite

Daar is ’n supermark en ’n mark in Monkey Bay. Op 22 Februarie 2010 het die eerste bank sy deure hier geopen. Daar is ook verskeie gastehuise.^[5]

Busse loop van die dorp na Lilongwe en Blantyre en terug.^[5] Die naaste lughawe is by Ulongwe, 79 km van daar.^[6] Twee passasiersveerbote vaar elke week op die Malawimeer tussen Monkey Bay en Chilumba: die MV Ilala en Mtendere.^[7]

Die Nankhwala Katolieke Skool is op die dorp,^[8] asook ’n kleinerige hospitaal en ’n polisiekantoor. Dit is ook die hoofkwartier van die vloot met ’n bemanning van 220.^[9][10]

Verwysings

1. "Malawi: Transportation". Encyclopaedia Britannica (in Engels). Geargiveer vanaf die oorspronklike op 5 Maart 2008. Besoek op 20 Junie 2008.
2. "World Gazetteer: Malawi: largest cities and towns and statistics of their population". World Gazetteer (in Engels). Geargiveer vanaf die oorspronklike op 15 Mei 2012. Besoek op 20 Junie 2008.
3. Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 200. ISBN 1-74059-745-1. Besoek op 20 Junie 2008.
4. Kleinebrahm, Tobias (23 Augustus 2007). "Eine Zukunft für die Kinder von Malawi". Rheinische Post (in Duits). Geargiveer vanaf die oorspronklike op 20 Februarie 2013. Besoek op 20 Junie 2008.
5. Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 201. ISBN 1-74059-745-1. Besoek op 20 Junie 2008.
6. "Maps, Weather, and Airports for Monkey Bay, Malawi". FallingRain Genomics. Geargiveer vanaf die oorspronklike op 3 Maart 2016. Besoek op 21 Junie 2008.
7. Rogers, Douglas (5 Februarie 2001). "Malawi: On a mission in Africa". The Daily Telegraph (in Engels). Geargiveer vanaf die oorspronklike op 5 September 2008. Besoek op 20 Junie 2008.
8. "School cash for Malawi youngsters". BBC News. 12 Junie 2006. Besoek op 20 Junie 2008.
9. "Divers search for bodies in Lake Malawi". Independent Online (in Engels). 10 April 2008. Geargiveer vanaf die oorspronklike op 21 Augustus 2010. Besoek op 20 Junie 2008.
10. Wertheim, Eric (2007). The Naval Institute Guide to Combat Fleets of the World: Their Ships, Aircraft and Systems. Naval Institute Press. p. 452. ISBN 1-59114-955-X. Besoek op 20 Junie 2008.

Eksterne skakels

• Wikimedia Commons het meer media in die kategorie Monkey Bay.
• Hierdie artikel is vertaal uit die Engelse Wikipedia

14°5′S 34°55′O{{#coordinates:}}: cannot have more than one primary tag per page