Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.
Canaletto: Bacino di San Marco op Hemelvaartsdag. In die voorwoord tot sy reisgids Venice for Pleasure het Links opgemerk: ...this is for the most part a book about the outsides of buildings, seldom about their contents. It is about Venice, the city, not about its possessions, and very little about its people.
Joseph Gluckstein Links OBE (1904–1997) was 'n Britse pelshandelaar, kunshistorikus, reis- en misdaadfiksieskrywer van Joods-Hongaarse afkoms wat - as outodidak - bekendheid verwerf het met sy gedetailleerde kennis van en publikasies oor die werk van die Venesiaanse skilder Canaletto en Venice for Pleasure, 'n reisgids wat beskrywings lewer vir aanbevole staptoere deur Venesië.[1] In die gids het Links hom beperk tot die beskrywing van fisiese besonderhede wat oor die eeue heen grotendeels onveranderd gebly het, en so kan die boekie, wat in 1966 gepubliseer is, ook in die 21ste eeu steeds van nut wees vir die toeris. Net klein wysigings moes aangebring word sedert die eerste uitgawe verskyn het. Links het hom, wat illustrasies betref, beperk tot historiese skilderye, tekeninge en foto's. Die werk is ingesluit in James Mustich se lys van 1,000 Books to Read Before You Die.[2]
J.G. Links was getroud met Mary Lutyens (1908–1999), die vierde en jongste dogter van die Britse argitek Edwin Lutyens.
↑James Mustich with Margot Greenbaum Mustich, Thomas Meagher, and Karen Templer: 1,000 Books to Read Before You Die. A Life-Changing List. New York NY: Workman Publishing 2018, bl. 492
