Henry Lukin-standbeeld

Foto van Henry Lukin

Henry Lukin se standbeeld in die Kompanjiestuin

In die Kompanjiestuin in Kaapstad staan naby die museums die standbeeld van genl.-maj. Henry Timson Lukin. Hy was die Suid-Afrikaanse bevelvoerder tydens die Slag van Delvillebos (1916) in die Eerste Wêreldoorlog.

Die "Lukin Memorial Committee" het die kunstenaar Anton van Wouw op 25 Julie 1929 gevra om die beeld van Lukin te maak. Die beeld is by die kunstenaar se studio in Johannesburg gemaak en na Nederland verskeep om gegiet te word in 1930. Die beeld is onthul in die Tuine op die 3de Maart 1932.^[1]

Verwysings

1. Anonymous, Lukin Memorial Unveiled, Cape Times, 4 March 1932, p.13.