HMS Invincible

Sewe oorlogskepe van die Britse Vloot het die naam HMS Invincible gedra.

• HMS Invincible (1747) was oorspronklik die Franse 74-kanon linieskip L'Invincible, wat gekaap is by Kaap Finisterre in 1747. Hy was die eerste doelgeboude 74-kanonskip om in die Britse Vloot te dien.

• HMS Invincible (1765) was 'n 74-kanonskip wat in 1765 by Deptford ter water gelaat is en sy kommisie by Portsmouth in 1776 ontvang het. Tydens sy loopbaan was hy betrokke by die Slag van Cape St. Vincent (1780) (teen die Spaanse Vloot) en die Slag van St. Kitts en die Glorious First of June (albei teen die Franse Vloot). Hy was ook betrokke by die inval van St. Lucia, Trinidad en Suriname. Hy het langs die kus van Norfolk gestrand in 1801, met die verlies van 400 lewens.

• HMS Invincible (1808) was 'n 74-kanonskip wat ter water gelaat is by Woolwich in 1808. Hy was in aksie in die Skiereilandse Oorlog, ter ondersteuning van die Britse magte. Hy is afgelê in 1814 en afgetakel in Plymouth in 1861.

• HMS Invincible sou die wêreld se tweede oseaanvarende ysterromp gepantserde fregat gewees het, en die susterskip van die HMS Warrior, maar hy is herdoop na HMS Black Prince voor sy terwaterlating.

• HMS Invincible (1869) was 'n gepantserde breëkantslagskip in 1869 gebou. Hy is herdoop na Erebus in 1904 en Fisgard II in 1906, voor hy in 1914 'n storm vergaan het.

• HMS Invincible (1907) was 'n oorlogskip tydens die Eerste Wêreldoorlog in "1 Cruiser Squadron", tuisvloot, aan die einde van 1908. Hy het deelgeneem aan die Slag van Heligoland Bight, die Slag van die Falkland-eilande, en die Slag van Jutland, waar hy opgeblaas is en gesink het na 'n trefskoot van SMS Lützow. 'n Totaal van 1 026 bemanningslede het omgekom en slegs ses het dit oorleef.

• HMS Invincible (R05) was 'n ligte vliegdekskip, die eerste van drie in die Invincible-klas. Hy het diens gedoen van 1980 tot 2005, insluitend in die Falklandoorlog. Hy is in 2011 in Turkye geskrap.