Grieks-Ortodokse Kerk

Vir die Ortodokse Kerk van Griekeland, sien Kerk van Griekeland.

’n Grieks-Ortodokse kerk in Rotterdam.

Die Grieks-Ortodokse kerk in Dalview, Brakpan.

Die Grieks-Ortodokse Kerk (Grieks: Ελληνορθόδοξη Εκκλησία) is ’n liggaam van verskeie kerke^[1] binne die groter Oosters-Ortodokse Kerk. Hulle deel ’n kulturele tradisie en dienste word tradisioneel in die Oud-Griekse vorm Koine^[2] gehou wat die taal van die Nuwe Testament was.^[3][4] Die huidige gebied van die Kerk sluit in Griekeland, Libanon, Siprus, Turkye, Jordanië, Israel, Egipte, Sirië, Albanië, Ethiopië en Italië.

Kerke

Die kerke waarvoor die term "Grieks-Ortodoks" gebruik word, is:

• Die vier antieke patriargate:

• Ekumeniese Patriargaat van Konstantinopel

• Vier konstituerende kerke van die patriargaat van Konstantinopel:

• Aartsbisdom van Thyateira en Groot-Brittanje
• Grieks-Ortodokse Aartsbisdom van Italië
• Grieks-Ortodokse Aartsbisdom van Amerika
• Grieks-Ortodokse Aartsbisdom van Australië

• Grieks-Ortodokse Kerk van Alexandrië
• Grieks-Ortodokse Kerk van Antiogië
• Grieks-Ortodokse Patriargaat van Jerusalem

• Ortodokse Kerk van die Berg Sinai

• Twee Griekse nasionale kerke:

• Kerk van Griekeland
• Kerk van Siprus

Geskiedenis van die term

Die naam Grieks-Ortodoks is histories ook gebruik vir al die Oosters-Ortodokse Kerke, aangesien die "Grieks" in "Grieks-Ortodoks" kan verwys na die Griekse erfenis in die Bisantynse Ryk.^[5][6][7] Die meeste van die groot intellektuele, kulturele en sosiale ontwikkelinge in die Christelike kerk het in die ryk of in sy invloedsfeer plaasgevind. Daarom is die grootste deel van die liturgie, tradisies en praktyke van die kerk van Konstantinopel deur almal aanvaar en dit verskaf steeds die basiese riglyne vir moderne Ortodoksie.^[8] Die term "Grieks" is egter van so vroeg as die 10de eeu deur die Slawiese en ander nasionale Ortodokse kerke laat vaar.^[9]

Sien ook

• Oosters-Ortodokse Kerk

Verwysings

1. Constantelos, Demetrios J. Understanding the Greek Orthodox Church, Holy Cross Orthodox Press 3de uitg. (28 Maart 2005)
2. Constantelos, Demetrios J. The Greek Orthodox Church: faith, history, and practice, Seabury Press, 1967
3. Wallace, Daniel B.: "Greek Grammar Beyond the Basics: An Exegetical Syntax of the New Testament, page 12,". Zondervan, 1997.
4. Stein, Robert H.: "The method and message of Jesus' teachings, page 4,". Westminster John Knox Press, 1994.
5. Byzantium in Encyclopedia of historians and historical writing Vol. 1, Kelly Boyd (ed.), Fitzroy Dearborn publishers, 1999 ISBN 9781884964336
6. Peras, Edwin. The destruction of the Greek Empire and the story of the capture of Constantinople by the Turks, Haskell House, 1968
7. Millar, Fergus (2006). A Greek Roman Empire : power and belief under Theodosius II (408-450). University of California Press. p. 279 pages. ISBN 0520247035.
8. Wybrew, Hugh. The Orthodox liturgy: the development of the eucharistic liturgy in the Byzantine rite, 1990
9. Hussey, Joan M. The Orthodox Church in the Byzantine Empire, 1990