Gereformeerde kerk Dullstroom

Gereformeerde Kerk Dullstroom
Sluit in	Dullstroom
Klassis	Lydenburg
Huidige predikant(e)	A. van der Walt (1958–1962)
In kombinasie met	Belfast
Belydende lidmate	30 (1963)
Dooplidmate	1 (1963)
Adres	"Geen eie kerkgebou"
Geskiedenis
Stigtingsdatum	1919
Afgestig van	Belfast
Eerste predikant	A. Postma 1928–1940
Datum ingelyf	1963
Ingelyf by	Belfast

Ds. Ammi Postma het Dullstroom van 1928 tot 1940 in kombinasie met Belfast en Lydenburg bedien.

Ds. Dirkie van der Walt, leraar van 1942 tot 1944 in kombinasie met Belfast en Lydenburg.

Ds. J.C. van der Walt, die leraar van 1945–1949 in kombinasie met Belfast en Lydenburg.

Ds. M.W. van der Walt, leraar van 1953 tot 1955 in kombinasie met Belfast.

Ds. N.J. Malan, leraar van 1956 tot 1957 in kombinasie met Belfast en Lydenburg.

Ds. Adriaan van der Walt, leraar van 1958 tot 1962 in kombinasie met Belfast.

Die Gereformeerde kerk Dullstroom was ’n gemeente van die Gereformeerde Kerke in Suid-Afrika met sy middelpunt op die dorp Dullstroom in die destydse Oos-Transvaal, nou Mpumalanga.

Die gemeente Dullstroom is in 1919 gestig, waarskynlik as ’n afstigting van die Gereformeerde kerk Belfast, wat sewe jaar vantevore self net 96 belydende en 92 dooplidmate gehad het. Teen 1932, toe ds. A. Postma die twee kerke in kombinasie met Lydenburg bedien het, het Dullstroom se belydende lidmate 40 getel en Belfast s’n 123 getel. In die laaste jaar van Dullstroom se bestaan, 1963, het hy 30 belydende en een dooplidmaat gehad, vergeleke met Belfast se 74 en 53. In die volgende jaar het Belfast se dooplidmate afgeneem tot 51, maar sy belydende lidmate toegeneem tot 96, wat daarop dui dat lidmate van die ontbinde Dullstroom by Belfast ingeskakel het.

Dullstroom se laaste ouderlinge was N.P. Fourie en G. Smit en sy laaste diakens P.F.J. Pretorius en C.J.M. Steyn. Die laaste predikant wat Dullstroom (in kombinasie met Belfast en Waterval-Boven) bedien het, was ds. P.C. Buys wat in 1962 bevestig.

Volgens die laaste inskrywing in ’n Almanak van die Gereformeerde Kerk, dié van 1963) vir Dullstroom, het die gemeente "geen eie kerkgebou" gehad nie.

Predikante

Van sy stigting in 1919 tot sy ontbinding in 1963 was Dullstroom deurgaans in kombinasie met die Belfast en tussen 1928 en 1949 ook met Lydenburg.

1. Postma, Ammi, 1928–1940
2. Van der Walt, D.J., 1942–1944
3. Van der Walt, J.C., 1945–1949
4. Van der Walt, Marthinus Wessel, 1953 – 1955
5. Malan, N.J., 1956–1957 (in kombinasie met Lydenburg)
6. Van der Walt, Adriaan, 1958 – 1962 (in kombinasie)

Bronne

• Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.