Bo-Egipte (Arabies: صعيد مصر, Saʿīd Miṣr) is ’n strook land weerskante van die Nylvallei wat noordwaarts strek van Nubië tot by Benede-Egipte.
Geskiedenis
In Antieke Egipte was Bo-Egipte bekend as Ta Shemaoe,[1] "Land van die Biesies".[2] Dit was verdeel in 22 nomosse (distrikte).[3] Die eerste nomos was min of meer waar die hedendaagse Aswan lê, en die 22ste nomos was naby die hedendaahse Atfih. net suid van Kaïro.
Die politieke en godsdienstige hoofstad van Bo-Egipte was Nechen (Grieks: Hierakonpolis), waarvan die bekermgodin Nechbet was.[4]
Die administratiewe hoofsentrum tydens die grootste deel van die tyd van die farao's was Thebe. Die simbole van Bo-Egipte was die wit hedjet-kroon, die lotus en die waterbiesie.
