Die Beijing Nasionale Stadion, amptelik die Nasionale Stadion (Chinees: 国家体育场, pinyin: Guójiā Tǐyùchǎng) of die Voëlnes (鸟巢, Niǎocháo) is 'n stadion in Beijing, die hoofstad van die Volksrepubliek China.
Die stadion is vir die Olimpiese Somerspele 2008 en Paralimpiese Somerspele 2008 opgerig en die Spele se opening- en sluitingseremonies is onder andere hier aangebied. Die gebou is deur die argitekfirma Herzog & de Meuron ontwerp. Tydens die Olimpiese Somerspele kon die stadion 91 000 mense akkommodeer, maar na die Spele kan dit vir slegs 80 000 mense sitplek bied. Die stadion is 330 meter lank, 220 meter breed en 69,2 meter hoog. Die bou van die kompleks het 3,5 miljard yuan (ongeveer € 335 miljoen) gekos. Die stadion sal ook vir die Olimpiese Winterspele en Paralimpiese Winterspele van 2022 ingespan word.
Galery
-
Skaalmodel van die stadion
-
Amper voltooi
-
Tydens die openingseremonie
-
Die stadion tydens die Olimpiese Somerspele 2008
Suid-aansig van die Beijing Stadion in Mei 2008.
Verwysings
Eksterne skakels
