Die jaar 1651 was 'n gewone jaar wat volgens die Gregoriaanse kalender op 'n Sondag begin het. Dit was die 51ste jaar van die 17de eeu n.C. Soos ander gewone jare het die jaar 12 maande, 52 weke en 365 dae gehad.
12 April – Cassini word aangestel as astronoom in Bologna, Italië. 'n Belangrike opgawe was die herstel van Vader Danti se eeu-oue sonwyser in die Sint Petronius-basiliek. Met die nuwe meridiaanlyn van 67 meter is akkurate astronomiese data saamgestel.
9 Oktober – Die Eerste Navigasiewet word in Oliver Cromwell se Romp-parlement deurgevoer. Hierdie skeepvaartwette sou Engeland se monopolieë in buitelandse handel versterk vir bykans twee eeue.
Katolieke priester Riccioli publiseer sy Almagestum novum, 'n invloedryke ensiklopediese werk in astronomie, met onder meer nuwe benamings vir die maangebiede.
In Bhoetan word die dood van die magtige Shabdrung geheim gehou in afwagting van sy reïnkarnasie.
